Rustam Teshaboyev

Rustam Dadajonovich Teshaboyev
Oʻzbekistonning birinchi prezidenti Islom Karimov va Rustam Teshaboyev (Toshkent axborot texnologiyalari universitetining Farg‘ona filiali ochilishi, 2005-yil)
Tavalludi	20-mart 1946-yil Fargʻona tumani, Fargʻona viloyati, Oʻzbekiston SSR
Vafoti	22-dekabr 2011-yil(2011-12-22) (65 yoshda) Pekin, Xitoy
Fuqaroligi	Oʻzbekiston
Kasbi	muhandis quruvchi
Sohasi	arxitektura
Taʼlimi	Toshkent politexnika instituti
Ilmiy darajasi	texnika fanlari doktori
Ilmiy unvoni	professor
Mukofotlari

Rustam Dadajonovich Teshaboyev (1946-yil 20-mart, Fargʻona tumani, Fargʻona viloyati, Oʻzbekiston SSR — 2011-yil 22-dekabr, Pekin, Xitoy) — oʻzbekistonlik olim, texnika fanlari doktori, professor. Toshkent axborot texnologiyalari universiteti Fargʻona fillialining ilk rahbari.

Biografiyasi

Rustam Teshaboyev 1946-yil 20-mart Farg‘ona tumanida o‘qituvchi oilasida tugʻilgan. 1963-yilda shu tumandagi 5-maktabni tamomlagan. 1953—1968-yillarda Toshkent politexnika institutida tahsil olgan. 1968—1969-yillarda Farg‘ona politexnika instituti assistenti, 1975—1976-yillarda ushbu institutning „Sanoat va fuqaro qurilishi“ kafedrasi mudiri, 1976—1998-yillarda qurilish fakulteti dekani, 1998—2005-yillarda Farg‘ona politexnika instituti ilmiy ishlar va axborot texnologiyalari prorektori, 2005—2011-yillarda Toshkent axborot texnologiyalari universitetining Farg‘ona filiali direktori lavozimida ishlagan.

Vafoti

2011-yil 22-dekabrda Xitoy Xalq respublikasining Pekin shahrida respublika miqyosidagi xizmat safarida vafot etgan.

Ilmiy faoliyati

1971—1974-yillarda Moskva muhandislik-qurilish instituti aspiranturasida tahsil olgan va 1975-yilda nomzodlik dessertatsiyasini yoqlagan. 1997-yilda Toshkent arxitektura–qurilish institutida doktorlik dissertatsiyasini himoya qilgan. Qurilish mavzusiga doir 130 dan ziyod ilmiy maqolalar, 3 ta monografiya, 6 ta o‘quv darslik va qo‘llanmalar muallifi.

Mukofotlari

• „O‘zbekiston mustaqilligining 10 yilligi“ esdalik nishoni (2001);
• „Oʻzbekiston Respublikasi mustaqilligiga 15 yil“ esdalik nishoni (2006);